٣٠ يونيو و حلم التقفيش

عايز اقول حاجه بمناسبه تلاتين سونيا دي
الناس اللي بتقول المصريين نزلوا لرفض الحكم الديني و مع العلمانيه و محسسني انها الثورة الفرنسيه
ناس مش عايشين معانا في نفس البلد او بيبرروا علي الفاضي عشان يداروا فشلهم
الناس نزلت في يونيو عشان زن الاعلام ...الاعلام وبس
الحكايه بدأت ان الناس شويه بشويه ينزلوا يتفرجوا و يهيصوا ويشغلوا دي جي و عربيات نص نقل محمله من القري علي اقرب مدينه  و بما ان اليوم كان سنتها في اجازة و الامن كان لطيف و مفيش اشتباكات و لا خوف من التصوير بالكاميرات ولا مراقبه  والجو لطيف الناس خدتها فرصه تنزل تتفسح و ترقص و تشتري فشار ولب و حمص و علم مصر ووش فانديتا ويفسح العيال الصغيره
عمرك شوفت ثورة يا مؤمن فيها عيال رضع ؟
ماكنش حراك ثوري ضد الفاشيه الدينيه و المطالبه بمدنيه الدوله وكلام عمرو حمزاوي ده خالص
احنا بعد تلاتين يونيه اهو كتاب اتحبسوا عشان خدش الرأي العام بمباركه المصريين محدش اعترض و ناس محبوسه بتهمه ازدراء اديان محدش عارف ملامح التهمه دي اساسا
وناس محبوسه عشان بيعملوا فيديوهات ع النت
فبلاش تحسسوني انها كانت الثورة الفرنسيه و اتخطفت يا عيني مننا

محمد عادل عضو فريق اطفال شوارع يكتب...

#محمد_عادل  عضو فريق اطفال شوارع ...يكتب من داخل زنزانته ....
- محدش يستهون بأي كلمة حتى ولو صغيرة لواحد مسجون .. " شد حيلك " أو " ما تخافش " .. أنا اعرف هنا ناس اللي مانعها تتجن أو تموّت نفسها كلمة صغيرة من دول .
- أنا بابص على النتيجة ست سبع مرات الاقيها نفس اليوم .. زهقت .. اليوم هنا في السجن طويل لدرجة إني بانام و باقوم ست سبع مرات في نفس اليوم .
- في السجن هنا رجالة بشنبات بتتكور تحت ملاياتها بليل و يعيطوا .. السجن بيكسر الناس .. أنا كل ما أتكور تحت ملاية أمي علشان اتكسر و اعيط اشم ريحة معفنة اروح قايم .
- أي هواية في السجن مملة .. القراية مملة .. الكتابة مملة .. الغنا ممل .. الناس برا عايشة في نعمة مش مقدراها .. أكبر نعمة في الكون إنك تقوم و تفتح باب الاوضة و تنزل الشارع .
- عدى علينا أكتر من خمسة جايين يقابلوا السيسي و اتقبض عليهم عند قصر الاتحادية و جم بيّتوا هنا .. واحد منهم مصمم انه المهدي المنتظر .. طمني عليكوا برا .. انتوا اتجننتوا ؟
- معانا دكتور اقتصاد و لواء جيش و مهندس و مترجم في الداخلية و سكرتير نيابة و دكتور و ممرض و رجل أعمال و شيخ أزهر .. أنا نفسي افهم مين لسه برا ؟!
- فيه ناس ما كنتش أتوقع أبدًا يجوا جم .. وناس كنت مستنيهم يباتوا ليل نهار قدام القسم شوفت وشهم مرة صدفة كده وخلاص .. الصحاب بيتغربلوا يا كبير :)
#الحرية_لاطفال_شوارع
#الحريه_لاطفال_الشوارع
#افرجو_عن_الضحك

مذهب النفعية - قانون بنثام

جيرمي بانثام 
في فلسفة بانثام الأخلاقية تبرز لنا النزعة التجريبية في صورتها المثالية..فهو أول من حول علم الأخلاق إلى علم الحساب نتيجة تأثره بنيوتن في العلوم الطبيعة ولتأثره أيضا بهيوم وهوبز. فدرس الأخلاق كما تدرس العلوم الطبيعية ، هاجم معيارية الأخلاق التقليدية وحاول وضع علم رياضي لقياس اللذات ووزن الآلام!..معايير القياس عنده تستند إلى: قياس الشدة أو الزخم ، قياس الدوام ، قياس التأكد أو عدمه ، قياس القرب والبعد ، الخصب ، الصفاء أو النقوة ، الإمتدد و الإنتشار. وغاية هذه المعايير هو التوصل إلى إدخال معطيات العمل الأخلاقي في حاسوب فيجيبنا قبل أن نقدم على أي تصرف إن كان الفعل أخلاقيا أم لا!...إن معيارية الأخلاق في فلسفة بانثام لا ترتكز إلا على الحساب ولا شيء غير الحساب ، إن فاقت قيمة اللذة أو المنفعة قيمة الألم فالعمل أخلاقي وإن رجحت كفة الألم فهو فعل لا أخلاقي لا يجب الإقدام عليه. إن معيارية الأخلاق في النفعية تلخصها مقولة الفيزيائي دافيد مرمين: shut-up and calculate " اصمت ، إحسب فقط

كنت لسه شايف محاضره عن قانون النفعيه لبنثام اللى انا ذكرته فوق و عملت فوت على حسابى على موقع تويتر لمسأله فلسفيه حبيت اشوف رأى الناس فيها و احللها على قد ما اقدر 
الفوت لسه شغال حتى كتابه التدوينه و الاصوات بتتصارع و النتايج بتروح وبتيجى انا عايز احلل بس نفسيه الشخص اللى بيصوت  
الفوت كان التالى :_\
لو هتبني مستشفي ولازم تهد حاجه معينه عشان تبنيها مكانها

من وجه نظرك ايه اللي يحقق منفعه اكبر ؟

1 معبد عمره 5000 سنه

2 مصنع بيشتغل فيه الف عامل

3 دار عباده جامع او كنيسه

اللى اختار اول اختيار كان بيفكر كالتالى نبعد يا عم عن اكل عيش الناس و عن دينهم عشان الفتنه و الاضرابات و نهد المعبد و هما اساسا كانوا عالم كفره و ملوش لازمه

اللى اختار الاختار التانى قال نبعد عن دين الناس و عن التراث لاننا مش هنعوض المعبد تانى

وممكن نبقى ندى للعمال تعويضات

اللى اختار الاختيار التالت قال

والله ممكن نبقى نبنى الجامع فى حته تانيه و ممكن الناس تصلى فى اى مكان تانى مؤقتا لحد ما نبنى المستشفى و نبعد عن المعبد لاننا عمرنا ما هنعوضه

ونبعد عن المشاكل مع العمال و اكل عيش الناس