المحله دى بلدى

المحله :الشون الجمهوريه السبع بنات شكرى المستعمره شارع المصرف سكة زفتى ابو شاهين بنزيون محب المشحمه الرجبى سوق اللبن ابو على مساكن الشركه  سكه طنطا الشعبيه شارع الانتاج الدوران
نرجع لموضوعنا مش لازم عشان تبقى ثورى انك تكره بلدك مفيش حاجه اسمها ثورى وانت بتكره بلدك اصلا
الثورة وسيله يا حماده مش غايه بلدك هى الغايه
ازعم ان اللى بيكره بلده اصلا منزلش قبل كدا مظاهره ولا يعرف ريحه الغاز ولا عمره شال علم مصر و لا اتلف بيه بليل من السقعه ولا كتب على الجزء الابيض من العلم "عيش حريه عداله اجتماعيه" ولا رسم الهلال مع الصليب جنب النسر
الثوريين هم الاشد حبا لبلدهم
بلدى مصر الحلوه فى كل عين على رأى عم نجم
المحله هي اسرتى هى مدينتى العظيمه اللى بعتبرها من احسن المجتمعات المصريه على الاطلاق
المحله هى مهد المساواه بفضل توزيعها الديموغرافى يعنى من اقرب المدن الى النظام الاشتراكى
المحله تعنى العمال و لحظه خروج الورديه وخروج 20 الف عامل من اكبر شركه غزل ونسيج فى الشرق الاوسط  فى وقت واحد فتمتلئ الشوارع ببشر متشابهين فى كل شئ
تزدحم المواصلات و الارصفه و ينتشر الباعه ليبيعوا كل الاصناف بل وبجوده عاليه وبسعر رخيص ساندوتشات المكرونه بتاعة ابو عمر و فروع البغل اللى لسه بتبيع الساندوتش بجنيه
المحله تعنى المواصلات الرخيصه والسهله لأى مكان فى المدينه تقدر توصل ليه بالميكروباص
المحله يعنى التاكسيات الاقل استغلالا بين جميع المدن الاخرى وعن تجربه
سكان المحله هم اول من كسروا صور حسنى مبارك عام 2008 وازداد ونمى وعينا السياسى واحنا فى الاعدادى بسبب هذا الحدث
ولم يتم رفع صوره للمخلوع منذ ذلك اليوم
المحله يعنى الاضراب الشامل فى عز قوه الاجهزه الامنيه والاهم من ذلك الاضراب الناجح
كنا نذهب الى دروسنا فى الاعدادى سنه 2008 فنشم الغاز المسيل للدموع فى الوقت الذي فيه اقراننا فى المدن الاخرى لا يعرفوا سوى الملاهى و الهوت شوكلت
المحله يعنى الدورى الممتاز والخروج من المدرسه مبكرا لشراء تذكره الاهلى و المحله
والجلوس فى مدرجات غزل المحله اللى بتلاته جنيه :)
باختصار اما بطلع بره المحله بحس بغربه

رحمك الله يا عم نجم

عم احمد فؤاد نجم او كما يحب ان يسمى نفسه "الفاجومى" انا شخصيا بحب الاسم ده جدا ومتعلق بيه وكاتبه على كل حاجه عندى الفاجومى يعنى اللى مش بيهمه اللى ما بيخافش من الناس اللى بيقول الكلمه و مايهموش ده اختصار معناها اللى بحثت عنه
انا من الناس اللى بتملّ من كتر قرايه الشعر بس عند احمد فؤاد نجم و اقف
لو مسكت كتاب الاعمال الكامله بتاعه طول اليوم بقرأ فيه ولا هزهق ولا هملّ
عم نجم حاله مصريه غريبه عجيبه
قدر يكتب قصيده "صباح الخير" اللى من اروع القصائد فى مدح مصر والتغنى بحبها وعشقها وهو فى "سجن القلعه" سنه 1973 سنه النصر
اكتشفت مؤخرا ان جملة "الورد اللى فتح فى جناين مصر" هو اللى مألفها
مطلع قصيده "صباح الخير"
صباح الخير على الورد اللى فتح 
فى جناين مصر
صباح العندليب يشدى
بالحان السبوع يامصر 
صباح الدايه واللفه 
ورش الملح فى الزفه 
صباحج يطلع باعلامنا 
من القلعه لباب النصر

مش كده وبس ده كاتب كمان قصيده الشهيره "بهيه"
اللى كلنا حافظنها من الصغير للكبير 
مصر يامه يابهيه يام طرحه وجلابيه 
فى معتقل القناطر 
انا مش عارف حتى الان ازاى خياله بيجيب الكلمات فى الظروف اللى عاشها دى !
بدل ما يطلع كلمات كلها غضب على البلد زى اى بنى ادم طبيعى اتعرض للظلم يكتب اروع الكلمات فى التاريخ الشعبى المصرى 
غير كمان قصيده كلمتين يا مصر 
كل عين تعشق حليوه 
وانتى حلوه فى كل عين 
ومن القصايد العظيمه "انا رحت القلعه " كان فيها بيرحب بالشباب الثائر من الحركه الطلابيه 
احمد الكردى واحمد بهاء الدين اما نظام السادات اعتقلهم وحولهم سجن القلعه 
باختصار قصائد احمد فؤاد نجم هى تلخيص للتاريخ الشعبى المصرى من منظور فريد من نوعه احنا محظوظين ان عاش بينا راجل بقدرات عم نجم يقدر يوثقه لنا ويحكىه لنا على طريقته 

رحمك الله يا عم نجم

نظريات وحكايات و اشياء اخرى !

كثيرا ما يصيبك الاحباط و الحكم الخطأ على الاحداث والسخط و الامبالاه و الضياع و يجتاحك كل شعور سئ فقط لانك تجهل الاجابه عن نظريه الفرخه واولا ام البيضه ؟

لن نتحدث بالطبع عن ابعاد هذه النظريه الفلسفيه العظيمه وتفسيراتها لكنها مرتبطه ارتباط قوى بالاحداث 

الشعب اولا ام الثوره ؟

لا استظيع صياغه الجمله بشكل ملائم اكثر ولكنى اقصد هل الشعب من يقوم بالثوره فتتبعه الاحزاب والحركات ام ان الاحزاب والحركات هم من يقومون بها و على غرارها يتحرك الشعب ؟

ومن بحكم التاريخ مكتوب له الدوام و النجاح والاستمرار ومن مكتوب له الموت والفشل ؟

الثورة العرابيه على سبيل المثال او الحركه العرابيه كُتب لها الفشل لانها اعتمد على حركه من الضباط والمثقفين اولا وليش على الشعب 

على الناحيه الاخرى عندما بدأ الشعب اثورة واراد التغيير الحقيقى فى المانيا استطاع ان يهدم سور برلين الذى قسم المانيا الى شرق وغرب لمدة اربعين سنه حتى انه كان خلال هذا التقسيم يتم اطلاق النار المباشر على اى احد يحاول عبور هذا السور 

فعندما اراد الشعب التغيير لم يوقفه سور حتى انه كان الناس يهدمون بعض اجزاء السور بايديهم 

وجاء الدور على تشيكوسلوفاكيا. قبل عشرين عاماً دخلت الدبابات الروسية إلى براج لسحق انتفاضة الطلبة والعمال أواسط نوفمبر 1989، أحس ما لا يقل عن 200 ألف شخص بالثقة الكافية للتظاهر مطالبين بالديمقراطية. وخلال أيام وصل عدد المتظاهرين إلى 800 ألف، وفي 27 نوفمبر خرج ملايين الناس من أعمالهم في إضراب شمل جميع أنحاء البلاد، لمدة ساعتين 

هنا أيضاً شغل معارضو الماضي مسرح الأحداث. بدأ عام 1989 على فاكلوف هافيل سجيناً للنظام، وكان معروفاً لبعض الناس على المستوى الدولي بصفته ناشطاً وكاتب مسرحي. بنهاية العام أصبح رئيس تشيكوسلوفاكيا في أول نظام بعد سقوط الستالينية.

فنستنتج من ذلك ان الثوره تأتى اولا من الشعب والطلاب والعمال  ثم تأتى بعده القياده السياسيه تدعمه و تعطى له الغطاء السياسى 

لن نذهب بعيدا ونرى ما حدث فى اضراب عمال المحله الكبرى سنه 2008 بدأالامر من داخل شركة الغزل والنسيج واظرب العمال عن العمل (مايزيد عن ال20 الف عامل) وواجهوا النظام المباركى بلا اى دعم سياسى يحركهم فى ذلك فقط مطالبهم وبعد ذلك انضم لهم النشطاء والحركات والاحزاب ودعموهم واخرجوا اضرابهم الى الشارع بشطل اوسع وخرجت من رحمها حركه 6 ابريل التى كان لها دور كبير فى 25 يناير الى الان

وفى رومانيا ايضا بدأت الثوره من الشعب حيث ان انتشرت الإضرابات والمظاهرات في شتى أنحاء رومانيا، ووصلت إلى العاصمة بوخارست حيث حاول النظام تنظيم مسيرة مؤيدة للحكومة، ففرقتها هتافات “يسقط شاوشيسكو!”. ومن جديد صدرت الأوامر للجنود ورجال الشرطة بإطلاق النار، لكن نقطة التحول حانت.

وصفت فيوريكا بوتناريو – الطالبة التي كانت تعمل في مصنع ساعات في بوخارست – ما حدث بعد ذلك:

ذهبت للعمل، فوجدت أن المصنع في إضراب. هرعت إلى مبنى اللجنة المركزية ورحت أهتف “يسقط شاوشيسكو! الموت للجزار”.

سرعان ما تصدى الجنود ورجال الشرطة للمتظاهرين… أضافت فيوريكا:

لم نعرف إن كانوا سيطلقون النار أم لا، لكن كنا جاهزين لمواجهة الرصاص. رأيت الجنود متجهمين. تقدم الجميع من الدبابات، وبدأ الناس يهتفون: الجيش معنا، الجيش معنا” بعد أن كان الشعار “الجيش معهم”.

بدأوا في إطلاق النار في الهواء ليوضحوا لنا أنهم لن يطلقوا النار علينا. تجمع الناس على الدبابات وعانقوا الجنود. كنت قريبة للغاية من مدرعة. قال الجنود: “لقد اعتقلنا قائدنا”. وأظهروه لنا. ثم قالوا: “سنعتقل شاوشيسكو”.

تم اعتقال الديكتاتور، وأُعدم هو وزوجته يوم الكريسماس.

هنا ايضا نجد ان الامر بدأ من العمال بتأييد من الجيش الوطنى ...

سيتم تغيير حقيقى فى مصر عندما يطالب البائع المتجول التى سرقت بضاعته بدعوى انه ليس معه تصريح بحقه 

ويطالب اهالى الاسكندريه التى غرقت بيوتهم بسبب الاهمال و البنيه التحتيه الغير صالحه للاستعمال الادمى بحقهم 

بدلا من صفقات السلاح و الطائرات بالمليارات كنا وفرنا بعض منها او الفتات حتى لتطوير المدن ولكننا لا نرى حتى هذا الفتات ! 

المقال كبير انا عارف بس يا ريت تقرأ الحكايات اللى قولتها فى النص بتمعن هتلاقيها مسليه ومفيده