الطبيعى اننا نقرأ تويتات ان واحد فقد الامل خلاص و واحد كفر بالبلد وعايز يهاجر و واحده زى زينب المهدى انتحرت خالص مش عارف بقى يأسا ولا لاسباب اخرى
وانا مش عارف اللى جاى يفقد الامل دلوقتى ده كان بيعمل ايه من 4 سنين ما كنش عايش معانا مثلا ولا عنده تأخر عقلى شديد ولا زياده فى هرمون الاستروجين ولا ايه
يعنى يا عم مهو كلنا فاقدين الامل اللى نازل مظاهره ضد بيع بلده و بيقول تيران وصنافير مصريه هل عنده امل انه اما يقول هترجع ؟
لا يا حبى اللى اتباع اتباع والسلام
طب بلاش اللى بيكتب سطر فلا روايه مش على هوى محامى اهطل اتحبس وانا اظن انهم ما صدقوا مسكوا فى حاجه على احمد ناجى عشان يحبسوه اساسا لاننا مش دولة الدين مقطع بعضه فيها احنا عندنا بالصلاه ع النبى دينا الرقاصه بتأثر فى سياسات الدوله زى زمان كدا ايام سهير زكى وهي بترقص قدام الكتله الشرقيه و الكتله الغربيه ايام السادات
فمش سطر فى روايه بيقرأها اساسا مثقفى وسط البلد و رواد الانترنت وتويتر و فولورز احمد ناجى هيا الجريمه
عندك امل ازاى وشويه شباب بيعملوا فيديو ع النت بكاميرا موبايل جودتها تعبانه يتمسكوا ويتنكل بيهم اكنهم ارهابيين
وعندك امل ازاى وواحد اتمسك وهو معدى جنب بوكس او لابس تيشيرت انا عايز اعيش فى كوكب تانى
اللى هو يا عم انت بتمسكه ليه انت مال ديك امك هو عايز يعيش فى كوكب نبتون انت مالك يا اخى ؟
عندك امل وسعر الدوا بيغلى بالتلاتين فى الميه كل شويه ؟.
ولا الرز اللى اتشال من التموين اساسا لو كنت من هواه انك تجيب التموين كل شهر
بعد ثورة يناير غلطتنا غلطه بنت كلب لاننا ما كملنهاش اساسا
والوسخ اللى بيقول ان مبارك ابن حلال انه سابها من غير ده لا يا روح امك امال الالف شهيد اللى ماتوا دول امى اللى قاتلتهم مثلا ؟
ومين اللى فتح السجون و خرج المسجلين خطر ينطلقوا ويمرحوا فى الشوارع ؟؟
احنا ما اتحولناش لحرب اهليه يا حبيبى لان الثوار هما اللى ما حملوش سلاح يدافعوا بيه عن نفسهم ويردوا الصاع صاعين واتمسكوا بالسلميه لحد اخر يوم
مبارك كان عايزها حرب اهليه بس احنا اللى رفضنا
ده المتفائل اللى قرر يتوب وينضم لنا كتيبه المتشائمين
اما بقى اللى لسه متفائل وعنده امل نقوله اييييييه ؟؟؟
نقولها تانى نبروزهااالكوا عشان تفهموها لااغنيها
العدل مقدس يا اسيادنا ما بيجيش على ايد نجسة
العدل مقدس يا اسيادنا ما بيجيش على ايد نجسة
